/ KULAN KA AGAASINKA GUUD EE BAANKA DHEXE IYO AGAASIME WAAXEEDKA BAANKA DHEXE

KULAN KA AGAASINKA GUUD EE BAANKA DHEXE IYO AGAASIME WAAXEEDKA BAANKA DHEXE

AGAASINKA GUUD EE BAANKA DHEXE EE JSL ayaa kulan la qaatay Maamulayaasha Laamaha Caasimada iyo Agaasime waaxeedyada Baanka Dhexe ee JSL , kulankaa oo daarnaa dardar gelinta habsami socodka howlaha shaqo ee Baanka, lana sii laban laabo dadaalka loogu jiro ilaalinta qiimaha Shilinka iyo la dagaalanka sicir bararka.

Ugu Horeyn, kulankaa waxaa furay Guddoomiyaha Baanka Dhexe Mudane Cali Ibraahim Jamac, isagoo uga mahad celiyey madaxda iyo Saraakiisha Baanka Dhexe kartida iyo dadaalkooda, Gudoomiyahu wax uu kula dardaarmay in ay dadaalkooda sii libinlaabaan.

Waxaa isna halka ka hadalay Agaasimaha Guud ee Baanka Dhexe ee Somaliland Mudane Axmed Xasan Carwo, isaga oo ku nuuxnuuxsaday dardargalinta hawlaha shaqo ee Baanka Dhexe ee Somaliland si looga midho dhaliyo rajada ummadda ee ku saabsan in la helo dhaqaale dagan.

Ugu dambeyntii, waxaa kulankaa soo af-meeray Guddoomiye xigeenka Baanka Dhexe Mudane Cumar Yusuf Buux isagoo ku booray Saraakiisha iyo Guddoonka Baanka Dhexeba in la joogteeyo kulamadan horumarineed ee kor loogu qaadayo adeegyada kala duwan ee Baanka Dhexe Bulshada u fuliyo. Guud ahaan kulankaas oo ahaa mid ay ku dhamaaday jawi degan .